“国庆日”有感

     

       
        六十二载国庆日

        红蓝条纹旗飘扬

        默迪卡响彻云霄

        可惜郁闷和伤感

        挥不去也掸不掉。

        种族政治的荼毒

        扰乱了人民思维

        破坏了原则承诺

        污染了和谐社会

        阻碍了国家进步。

        今年国庆日愿望

        国民须远离政客

        坚决改革不放弃

        让马来西亚永远

        成为马来西亚人

        幸福的马来西亚。

寓言一则——（一箭三雕）

话说老嘛嘛有意把早前从划叔身边招引过来的爱滋吻作为番薯邦大总管，偏偏爱滋吻有好多龙阳君床照突然被人爆晒出黎，日日所有报章杂志都系度讲紧尼样嘢，越讲越多料爆，都唔知要唱到何年何月何日先至收档。

好多番薯民仲不停追问老嘛嘛几时唔再返工，几时实现佢应承过要俾番阿划叔个大总管位。老嘛嘛好嬲，谷住成肚气，但系对住啲报纸佬就一定要装出好淡定个样，仲要谈笑风生，好似无事发生过咁。

老嘛嘛谂到一条计仔，其实都系佢以前惯用嘅手法，就系整件嘢黎转移大众嘅注意力，等爱滋吻啲捞搞嘢唔再见报。老嘛嘛想起以前拿鸡怖做大总管时，曾经计划过要啲娃小弟子读蝌蚪文，不过系仲未实行，而娃小弟子嘅长辈视蝌蚪文如SARS病毒，最最敏感。於是老嘛嘛叫听教听话嘅马仔骂痴你宣布，娃小弟子一定要学蝌蚪文。此举有如丢咗粒炸弹落啲娃小弟子条村度，村民即刻生虾咁跳，乱晒大龙。果然日日系报纸登嘅唔再系爱滋吻啲捞搞嘢，全部都系讲紧娃小弟子读蝌蚪文嘅事。

最妙嘅就系好多娃小弟子长辈都捉住同村嘅乐吉党员黎闹，将所有不满都发泄系乐吉党到，因为，边个敢对老嘛嘛同埋佢条村啲村人出半句声呢？娃小弟子同村嘅麻花党更加煽风点火，政棍枪手齐出，非要将乐吉党置於死地不可，好等麻花党咸鱼翻生，又有机会揾食咯。

老嘛嘛咪咪嘴笑住对骂痴你讲：“ 后生仔，睇到未啊，学下嘢啦！尼啲就叫做一箭三雕啦！今次系无办法之余要俾个大掌柜佢地做，等佢地搞番掂盘数，但系就点都唔可以俾乐吉党咁顺摊嘅。等佢啲同村人对乐吉党唔再信任，憎恨佢地，下次佢地就无机会再赢得同村人咁多嘅支持，我地嘅一色人党就有机会坐晒全公司啲重要职位啦！哈哈哈哈哈————————”

骂痴你不禁跪拜於老嘛嘛膝下，对旧老姜佩服到五体投地，千王之王，非老嘛嘛莫属矣！