话说番薯民几经艰辛，终於在二千廿二年嘅十一月，用墨指将阿划叔推咗上嗰大总管位度。其实当初，阿划叔嘅‘不偏不倚党’，加埋‘乐吉党’、‘诚实守信用党’嘅全部票数，喺唔足够攞嚟成立一个朝廷嘅。
曾经有个红毛爵士Palmerston讲过：“ We have no eternal allies, and we have no perpetual enemies. Our interests are eternal and perpetual, and those interests it is our duty to follow. ”
意思即喺话：我地冇永远嘅盟友，我地冇永远嘅敌人，我地嘅利益系永恒嘅，喺我地需要遵循嘅。当时Palmerston 喺要求啲国会议员恪尽职守，为国家谋求公利。
咁啱嗰阵时，污桶已经同冇油灯嘅一色人党、怕死党衣撕烂反咗面，谂谂下倒不如同划叔乐吉党合作，加埋番薯邦东边嗰两个州，结盟成立一个充满希望嘅朝廷，希望将个经历咗半个世纪以上，被麻麻老妖、拿鸡布同埋冇油灯、龟蛋兽相一班骑哩怪搞到半生唔死嘅番薯邦，扶番起身啦！
於是污桶大当家诈死，带领匿系污桶裤浪底几十年嘅麻花党同埋三哥党，过档去有希望嘅朝廷度。喺番薯民嘅眼光中，曾几何时，诈死从一个非洲和尚黑人僧，竟然一百八十度变咗一个肯为国家效劳嘅善人喎？！
不过，匿系污桶裤浪底几十年嘅麻花党，一向妒忌乐吉党，一有机会，就要谂啲屎桥嚟整衰乐吉党，最啱就系搞到娃人村民都憎佢地，等佢地失晒啲娃人选票，咁麻花党就可以好似五零九之前嘅风光日子，一边捞官位一边揾利益；最重要就喺好似旧时跟住麻麻老妖、同埋而家踎紧监嘅拿鸡布咁，虽然冇权又冇势，净喺执啲污桶朋党食净丢出嚟嘅骨头，就猪笼入水咁话咯！
其实初初麻花睇死阿划叔做唔成大总管，根本无希望成立有希望嘅朝廷；麻花同几个污桶马仔，鬼鬼鼠鼠去同冇油灯签咗契约，谂住冇油灯会抢番个大总管嚟做，准备过去匿系冇油灯嘅裤浪底做应声虫，叫佢踩划叔闹乐吉党，尼样嘢麻花最熟手；以前匿喺污桶裤浪底几十年，都喺搞咁嘅嘢，何况到时又可以揾机会捞到盆满钵满。
点知污桶大当家诈死转头去支持划叔，下命令阵营内，边个唔听话就立刻自己退出走人。麻花大当家谂下，等阵污桶多隆麻花嗰几个官位都冇埋，眯好蚀底？偷鸡唔到蚀揸米，咁梗喺唔制啦！打死都唔肯走咯！
从此，麻花虽然身在朝廷，但喺正经嘢就完全唔会做，选择专门抽乐吉党后脚，逢乐吉党必反，逢朝廷要做嘅嘢必反，总之喺为反对而反对。仲养埋一大班枪手文棍，日日喺报纸网络到针对乐吉党啲大臣，唱衰划叔，喺娃人村度挑拨离间，分化娃人村民，搞对立。
当初污桶阵营除咗麻花同三哥党，仲有嗰蚊症党，蚊症党投靠咗冇油灯，所以大当家漏哇啋全力支持冇油灯。但喺佢地好似三哥家乡啲贱民咁，喺冇油灯同衣撕烂嘅联合社内边完全冇地位。如果主人要办反划叔反朝廷活动，先至会叫佢地出嚟上报纸社交媒体隔空大嗌几声助阵，用完就踢埋一角落头。
唔知点解，漏哇啋啲面皮仲厚过象皮，任人点闹佢都冇反应。就算俾怕死党衣撕烂啲人点样睇衰佢侮辱佢，佢仲可以喺镜头面前咪咪嘴笑。睇怕蚊症党第一、二任嘅大当家，激到喺棺材入边唔知打咗几多个筋斗咯？！
日前有个小妹妹留言：“ Attending the SSM conference virtually. SSM (companies commission Malaysia) talking about ASEAN digital framework agreement signed in 2022 to improve flow of info, trade etc among companies in the region. So much work done. So forward thinking. Wanna cry la. The general mass all dunno all these, quarrel over stupid things! ”
希望番薯民都能够齐心合力将经济搞好，共同维护国家嘅和谐平稳，千企唔好被啲外奸马奸内奸蛊惑，搞乱档，损失咗机会提升国家嘅大好前途，否则，就会将家国推入万劫不复嘅深渊，后悔莫及啊！尼啲好有可能喺啲邪恶势力，唔抵得番薯邦进步得咁快，要打击阻碍佢嘅阴谋计划嚟架！！！
没有评论:
发表评论